قولك راح تبقى الدني هيك خربانة
ظلم متلّى الكون وعالم مش سألاني
قولك راح يبقى أرض صغيرة نزرعها
بيني وبينك مستبعدها

قولك راح تبقى الميّ تكرج بالنبعة
قولك راح يبقوا أيام الجمعة سبعة
بيوت الضيعة ماتوا أصحابها وصاروا صدا
ومين سائل؟ ما حدا

محكوم علينا نمشي ومحجوبة عينينا بحقل ألغام
ويا ساتر نمشي وإيدينا مشبوكة باللي حوالينا
وإنسان يضيع ورا إنسان

ثلاثة بالمية من الناس بيحكمونا
بيحكوا بإسم العدل وهنِّ جوّعونا
باعونا مفرّق وباعونا بالجملة
باعونا كرمال العملة

كل جزء من الناس بيحلف لك بدينه
كل واحد على دينه والله، الله يعينه
لهيونا بشاشة لمّا نكبسها بتضوي
بتبنّجنا شويّ، شويّ

محكوم علينا نمشي ومحجوبة عينينا بحقل ألغام
ويا ساتر نمشي وإيدينا مشبوكة باللي حوالينا
وإنسان يضيع ورا إنسان، ورا إنسان، ورا إنسان

محكوم علينا نمشي ومحجوبة عينينا بحقل ألغام
ويا ساتر نمشي وإيدينا مشبوكة باللي حوالينا
وإنسان يضيع ورا إنسان، ورا إنسان، ورا إنسان