Ja, zij'm'e g'rieed? Here we go:

Ol van mijn puberteit
He'k 's zondags in de messe'g'diend
'T woa nie mee weesgegroetses
Da'k mijn'n hemel hé verdiend
'k Hé menige bekoring
Van den bisschop deur'e'slikt
Want mee hoeur'n, zien & zwijg'n
Wierd de spoarboek angedikt

Mijn godd'lijk lijf da'd'he'k tons
cn een huismoeder verpand
Die moe van heure vent
Mee mij in bedde woas beland
Nog veur'n da ze kwam & riep: 'gij zijt wa da'k'ik zochte'
Hoa'k' hoar ziele, bed en inboedel ol openboar verkocht

Ik geve 't slechte veurbeeld
Zoeuvele of da'k kan
Moe'k ui ne kloeut afdroaien?
Ton benne'k uie man!

Dus van de zev'n zond'n
He'k mijn hoeufdberoep gemoakt
Den N.V. 'veur Nijd & Gramschap'
Hé van Luiheid noeit gestoakt
'k Ben dag & nacht bereikboar
Veur Hebzucht en veur Lust
Veur Gulzigheid geboren
En in Ijdelheid we trust

Ik geve 't slechte veurbeeld
Zoeuvele of da'k kan
Moe'k ui ne kloeut afdroaien?
Ton benne'k uie man!
Ik geve 't slechte veurbeeld

En ol da leeft moe lucht he'n
Dus ik wiere producent
Ip lucht in pakskes, lucht in zakskes
Pakte'k mijn percent
Veurda'n de aandieelhouders mij doeurhoa'n ip nen dag
Woare'k'ik ol an 't verzuipen
In het geld van mijn ontslag

Een intercommunale -
Iets mee gaz' en eletriek -
Kreeg lucht van mijn talent
Dus 'k ginge in de politiek
'k E tsjeven, sossen, flamiganten
Noar de mond geklapt
Mee de Minister van Milieu
He'k menig boeumke'omgekapt

Dus ik noar Knokke-Zoute
Een roulette'je ingezet
En doar mee Prins Laurent
Zijn dotatie half verwed
Zijn loatste Euroceinzen he'n we ipgedoan in stijl
Bij een meiske van plezier die plots toch mann'lijk bleek te zijn

Ik geve 't slechte veurbeeld
Zoeuvele of da'k kan
Moe'k ui ne kloeut afdroaien?
Ton benne'k uie man!
Ik geve 't slechte veurbeeld
Dus luistert goe noar mij
O'je mij nie geloeuft,
Moake'k ui iets anders wijs
Moake'k ui iets anders wijs

Sindsdien in hieel de weireld
Zijn mijn diensten vlot besteld
Het Kremlin, de Chinez'n
Zelfs de paus hé ol gebeld
Mee Clinton en mee Trump
He'k' een goe sigar'g'esmoeurd
Want veur vrijheid en veur vorst
Wordt er lustig rondgemoeurd
Veur vrijheid en veur vorst
Wordt er lustig rondgemoeurd
Veur vrijheid en veur vorst
Wordt er lustig rondgemoeurd

Uiteind'lijk benne'k oek moar
Ne simp'len boeremeins
Dus op den dag da'k doeudgoa
He'k nog ieene loatste weins:
Speelt niets van Warren Zevon
Want dien'hé ongegeneerd
Mijn leven en mijn werk
Ntegraal geplagieerd

Ik geve 't slechte veurbeeld...