Palò dézakordé
(Désafinado)

Tizozo an syel, kouté li ka chanté Flèr-a santi bon gadé li pavwézé
Difé fèt pou boulé, tout ti kanno ka navigé To ké mo, lanmou nou dé ka konjigé.
Lò nou ka jouré anyen nou di pa vrè. Palò débité pa menm an nou lidé.
Sa ki pwé rivé lanmou ka rézisté.

Kou adam ké Eve, kou Jilièt ké Roméo,
Nou kon dé mizisyen asou roun menm pyanno,
Ka jwé roun senfony ki gannyen not ka sonnen fo.
Nou tchò dézakordé ka jwé “à l’unisson”,
Konsi nou dé vwè kontré andann roun chanson.

Tou kon tizozo an syel a pou chanté,
Nou ké toujou là, menm si lavi-a malmennen nou.
Tojou to an mo tchò, mo an to tchò, nou an nou tchò.
Menm mannyè soley-a ka lévé, Chak bonmanten, lò lalin alé dronmi,
To ké mo doudou nou lanmou fèt pou li diré à lenfini.