Bag-ong Tuig - LYRICS

Words and Music: Winner and Huly Ray Asidor

I
Susihon ta ang atong kaugalingon
Kung unsa pay angay natong bag-ohon
Paningkamutan ta, samtang kita nagapanaw
Masundan ang mga lakang Niya

Refrain:
Bisan pa sa atong pagkatawhanon
Kita gipangga Niya.

Koro:
Bag-ong tuig
Angay nga ipamalandong
Sa mga kasakit man ug malipayon nga kagahapon
Bag-ong tuig
Kita mapasalamaton
Sa mga panalangin nga atong naangkon
Tungod Kanimo Jesus nga among Ginoo
Pag-amuma Mo wala'y pagkulang
Tungod Kanimo Jesus nga among Ginoo
Kinabuhi namo gilugwayan Mo
Salamat kaayo Ginoo sa bag-ong tuig
Sa Bag-ong Tuig

II
Nakabarog sa unos nga makusog
Ug mabug-at nga mga suliran
Sa pagtinabangay uban sa pag-ampo kanunay
Nakalahutay sa tuig nga milabay

Refrain:
Bisan sa malisod, mangitngit nga dalan
Kita giubanan

(Koro)

Tulay:
Pilion ta ang magkalipay
Panahon na ang tanan magkahusay
Kahiubos, dinumtanay kalimtan na
Kita maghinigugmaay
Ang pagpasaylo maoy atong buhaton
Labi na ro'ng panahuna

(Koro)