صحيت على صوتها


انا النهارده صحيت على صوتها الله على ده صوت
ده كان واحشنى موت ماهى دى اللى كنت زمان معاها
بنسى كل الناس

قالتلى نرجع بس بشروطها قولتلها متفقين
ياستى وموافقين ومش هبص لحد غيرك
من النهارده خلاص

جرحت انا فيها كنت عايش ومقضيها
ياما جبت عاليها واطيها
ايوه كنت زمان غلطان

عرفت قيمتها مش كلام ولا انا بثبتها
دى الوحيده اللى انا حبتها
واللى روحى معاها كمان

ايام كتيره وقفت فى مكانى كان قلبى مش مرتاح
عايش وكلى جراح وقولت لو رجعتلى تانى عمرى ما هبعها

فى البعد كانت حاجه نقصانى انا كنت مش مبسوط
تايه ومش مظبوط دلوقتى جتلى فرصه تانيه ومش هضيعها