كنت حابّة نقرا كنت حابّة نتعلم
واليوم راني نبكي الدم
زوجوني صغيرة باعوني كي السلعة
واليوم راني نبكي بالدمعة

وسكنوا في قلبي الأحزان
والفرح نساه وحدي عانيت من زمان

راه قلبي معمّر وحرت باش نبدا
نبدا بالراجل الواعر بعد الزواج تبدّل
وأنا صابرة وقاعدة وبلا سبّة يسب ويعاير
طيّح عليّ الظلام وحشمت نشوف في السماء
ويتلف لي الكلام ولات ما عندي قيمة

سكنوا في قلبي الأحزان
وحدي نعاني من زمان

الناس يهدروا عليّ ويقولوا علاش طلقت؟
كامل راهم يعايروا فيّ يظلوا يعسو فيّ
هاي دخلت هاي خرجت ياك تعرفي هد العقلية
كيما درت حصلت، علاش جيت مرا؟
لو كان خير ما زدت، وكرهت من الحقرة

وسكنوا في قلبي الأحزان
والفرح نساه وحدي نعاني من زمان

وسكنوا في قلبي الأحزان
خلّي البير بغطاه

وسكنوا في قلبي الأحزان
والفرح نساه وحدي نعاني من زمان