The Swan Swims est une chanson en langue indéterminée
There were twa sisters liv'd in a bower
O Aye sae bonnie-O
And there cam' a man tae be their wooer
And the swan aye swims sae bonnie-O
He’s courted the eldest wi brooch and ring
O Aye sae bonnie-O
But he lo’ed the youngest abune a things
And the swan aye swims sae bonnie-O
Sister, oh sister, we’ll gang tae the broom
O Aye sae bonnie-O
Tae hear the blackbird change its tune
And the swan aye swims sae bonnie-O
Oh they’ve walked up and they’ve walked doon
O Aye sae bonnie-O
And thrice the blackbird changed its tune
And the swan aye swims sae bonnie-O
Sister oh sister pit your fit on a stane
O Aye sae bonnie-O
And the eldest sister Jean pushed her in the stream
And the swan aye swims sae bonnie-O
She swam up and she swam doon
O Aye sae bonnie-O
Until she floated tae the miller’s dam
And the swan aye swims sae bonnie-O
The miller’s gaed oot for tae fish in his dam
O Aye sae bonnie-O
And there’s either a maid or a milk white swan
And the swan aye swims sae bonnie-O
He’s ta’en her oot and he’s laid her on a stane
O Aye sae bonnie-O
And the king’s ain fiddler was walking all alane
And the swan aye swims sae bonnie-O
He has ta’en her lang yellow hair
O Aye sae bonnie-O
Sayin’ this will mak me strings for my fiddle sae rare
And the swan aye swims sae bonnie-O
And he has ta’en her lang finger banes
O Aye sae bonnie-O
Sayin’ this will mak me pins for ma fiddle sae rare
And the swan aye swims sae bonnie-O
And he has ta’en her white breast bane
O Aye sae bonnie-O
Sayin’ this will mak a fiddle that will play a rare tune
And the swan aye swims sae bonnie-O
That night when they were playin’ at the ha’
O Aye sae bonnie-O
That fiddle sae rare played a tune or twa
And the swan aye swims sae bonnie-O
The first tune it’s played there’s ma faither the king
O Aye sae bonnie-O
And the next tune it’s played there’s my mither the queen
And the swans aye swims sae bonnie-O
The third tune it’s played there’s ma fause sister Jean
O Aye sae bonnie-O
And it was she pushed me in the stream
And the swan aye swims sae bonnie-O
They've built a fire that would near burn a stane,
O Aye sae bonnie-O
And intae the middle they hae pushed her sister Jean
And the swan aye swims sae bonnie-O
And the swan aye swims sae bonnie-O
And the swan aye swims sae bonnie-O