بيني و بينك جبال
بيني و بينك طريق
طريق مخباي بخيال العصافير

في لون بعيونك حنون
و طفل بقلبك مجنون
عم بنبش عالنهائي تيخلص من البداية

صرت طير فوق الجبال
تنبش عالطريق اللي بيني و بينك مخباي
و ما لقيت غير العصافير أكلوا خيالن الفقير
و تخبوا بالبداية تيفضو طريق النهاي

صرت تحكي عن الحياة
و تتمنا أمنيات
مش معقول تتحقق ولا حتى بالخيال

ضيعت حبال الغرام
و صرت تحكي عن الحرام
و رجعت القساوة متل سواد الحيطان

و ما لقيت غيرك إنت ماشي عالطريق و قلبك ملان حكايات
و روحك الوحيدي عم ترجع عالخيال والطفل اللي فيك
عم يركض بين الألحان