Before me end me life me ago write a song
Tell anybody weh me hurt a hope this right me wrong
DI devil say yah heng yuh self alright me like di plan
But fada GOD a whisper nah me ears a say gwaan fight me don

If GOD neva intervene me wouldn’t deh yah
But nuff time when me pray me ask GOD weh him put me prayer
yuh deh yah
Yuh say me a one a yuh star player
Suh how me deh yah bruck and still nuh richer Dan di mayor

But jah know me know say anuh suh di fada work
Like adam nah di bible GOD a tek me from di dirt
Nuff lesson inna life you ago learn when yuh get hurt
Yoe it pain me cau me memba when me neva know me worth.

As me grow up everything it a get realer
high school me memba nuff girl neva waan me neither.
But now me out and tings a gwaan suh people ketch dah pree yah.
Dem neva waan me den but now dem waan fi feel dah steel yah

But dat cyaan gwaan dat a di work a Satan
Yuh know a weh di bible call dat dat a fornication
But still a few times me think fi fornicate fam
But me fraid a GODS wrath suh mek me change di station.

What if me neva grow fi be so strong
What if dem neva put me out me wouldn’t know fi write a song
What if me neva seek di lord me wouldn’t know di devil plan
I’m a follower of CHRIST no me nuh falla religion

Me know say up a heaven me a mek it
Like Messi when me get di ball me know me affi net it.
Me give me life to CHRIST and not once me nuh regret it.
Cause him a di way di truth di life me find out when me check it.

What if a lot a persons neva break me heart
What if dem neva treat me bad me wouldn’t plan fi start.
A career fi mek it big and pave me owna path
Wid GOD inna di center of everything a geeit di spark.

Yuh think a likkle time dem count me out
But all di fight dem a fight me still a stay a float.
Dem say fi seek di lord a JESUS a di antidote.
GOD we keep yuh safe when di waves dem a rock yuh boat.

From 1 shirt, 1shoes and 1 pants
To Gold watch, tek di plane and big mansions
Jacket suite a Ghetto Ute among di right ones
A elevate but still a watch out fi leviathans

Nuh deh a court but me a see a lot a trials
Yow it aguh tek yuh all fi full di vials
Yoe di gospel affi preach suh print di flyers
Me a struggle wid a lot a things suh keep me nah yuh prayers