يا دارنا غنّى لك القلب طاروق
يزهى بك المعنى وحبك القوافي
في صدر أمّات الكتب لاحت بروق
ويشوفها التاريخ بعيون وافي

يا عماننا والعز سابق ومسبوق
كلاً يدوّر فيه شوطاً إضافي
إلا دياراً قالت بصوت مفروق
قدام واترك من يسولف خلافي

يا سيدي هيثم وراء كل معلوق
إسمك هنا والله عليم الخوافي
لك في الزمان الصعب موقف ومنطوق
كأن الزمن بك حط هقوة سنافي

والسلطنة بإيديك من فوق لفوق
فوق السحاب تنام نوم العوافي
عيد الوطن نحييه بعزوم وحلوق
قبل الخناجر والسيوف الرهافي

من يشكي الرمضاء ومن يشكي العوق
يلقى بها طيب وسكون المرافي
إن جيتها في يوم ضايق ومخنوق
أبشر بقوم ترجّع البال صافي

هذه عمان اللي من الطيب والذوق
يصبح ويمسي المجد في بشت ضافي
غنيت يا داري من الوجد والشوق
صوت الغريب إن رد عقب التجافي
صوت الغريب إن رد عقب التجافي