Oi urang solok pai manuai pulang manjalang hari sanjo
Sajak ketek badan marasai nan lah gadang sansaro juo
Sansai badan den lah badan den dimanyo kini inyo kini lalai.

Oi batulak badan di nagari dek dikampuang tak surang juo
Sibansaik batanam budi jaso samiang ilang sajo
Sansai badan den lah badan den dimanyo kini inyo kini lalai.
Oi disabuik pakaro seso indak samalang untuang diri
Kisailah dunia dek nan kayo nan bansaik tolong di agak i
Sansai badan den badan den dimanyo kini dimanyo kini la lai

Oi awak bansaik dunia takambang pataguah iman dalam diri
Anak urang babondong pulang anak mande dimanyo kini
Sansai badan den lah badan den dimanyo kini inyo kini la lai.

Oi ka nan elok asa baniak untung salamaik kok isuaknyo
Malang untuang kito nan basaik randah dimato rang nan kayo
Sansai badan den lah badan den dimanyo kini inyo kini la lai.

Oi awak bansaik dunia takambang indak ka maa ka baiyo
Mancalik bansaik salang tenggang badari galak rang nan kayo
Sansai badan den lah badan den dimanyo kini inyo kini lalai.