Oi dicongkok basimpang ampek
Oi kamudiak sawah lambahan
Kailia kampuang galagah
Disinan kampuang kiramaik limau manih
Sandaran alu kamunniang pautan kudo
Oi da kanduang tadorong amek
Nan kok malang ratak nyo tangan
Nak bak malapaeh basia pacah
Dantang kuat bidik manyimpang
Tembak tak tibo dialamaik luruih basarang nan tatuju
Musim pabilo kadapek nyo oi…

Paubek rusak dalah hati dunsanak dangalah dendang
Bia nak sanang kiro kiro
Bia nak tabang buruang nuri supayo sangkak
Jan tagamang jo pipik bagai ka gantinyo oi mak…

Adaik hiduik mahadang dunia
Adaik gantiang mahadang putih
Tagangnyo bajelo jelo
Urang tuo punyo umanaik
Ameh samato tahan uji ratak disimpai arek arek mari kito ambiak kapidoman
Oi diak kanduang cubo lah pikia
Kok lapeh badia nan salatuih pidiak dahulu nyato nyato
Tibo handanyo dialamat kataulang tak mungkin lai
Sa ba piluru tingga ciek jan tibo sasa kamudian
Kapa ubek hati nan rusak dangalah pantun dalam nyanyi
Baitu pasan ko candonyo
Oi lah malang kito manembak
Badia malatuih tigo kali
Buruang babalik kasarangnyo oi mak

Oi tasabuik luhak nan tigo
Partamo luhak tanah data
Kaduo jo luhak agam katigo luhak limo puluah
Ka ampek padang piaman asa nan tongga makin jabang
Buruang pamenan dahulunyo kini lah lapeh dari sangkak
Lah babaliak karimbo dalam kaparintang hati nan rusuah
Elok sangkak diagiah makan lai kok untuang babaliak pulang ei…

Oi ditimpo rinai satitiak lah hilang sajo jajak lamo
Disiko rusuah paratian
Buruang nan tabang kok babaliak ka diparancak sangkak lamo
Dikalang ulu disangkuik kan amam mak oi…