Moi gäh i ins Kino und de Werbung gäähd o, da Film wird glei starten do g’frei i mi scho,
I sitz bei meim G’schbusi am hintersten Platz, glei wird’s jetz Dunkel und sie g’hört da Katz
Auf oamoi do reisst’s mi, mei Hosn vibriert, da Piepser lärmt höllisch, es is wos passiert,
I sog no kurz Pfiatde, i muass leider geh, weil de vo da Feierwehr warten auf mi

Ja i muass eineeee in alle Vereineee
Da muass i hi, ohne mi geht des nie
Ja i muass eineeee in alle Vereineee
Nur eins duad ma leid i hab sonst für nix Zeit

I bin letztens schnell vo da Arbat hoamgrennt, da triff i an Spezl, hätt’n boid ned dakennt,
Er sogt ‚Griasde Oida, was rennst wia a Stier, geh weida jetz trink ma a Bier’
I schaug’n bled o und daschnauf’s beinah ned, und sag ‚des war guad aba heit is des bled’
Hab heit no a Sitzung, bin im Vorstand dabei, da Verein foit ma jetz grad ned ei

Ja i muass eineeee in alle Vereineee
Da muass i hi, ohne mi geht des nie
Ja i muass eineeee in alle Vereineee
Nur eins duad ma leid i hab sonst für nix Zeit

Wenn i auf da Pirsch, im Woid draussen hock, mei Hand is ganz ruhig, i leg o auf den Bock,
Er schaugt mi genau o, jetz wer ma’s glei ham, da geht’s Handy und i foi vom Baam (triff an Baam)
I druck auf’n Knopf ‚Zefix was is los’; ‚Do is da Präsi, wo bist’n Du bloss
Mia wartn seit zwoa Stund im Kolpinghaus draus, Du hast g’sagt Du machst heit an Nik’laus

Am Montag zur Musi, am Dienstag de Jaga, am Mittwoch de Fischer, am Donnerstag Kolping
Am Freitag Vet’rana, am Samstag zur Feierwehr und am Sonntag da geh ma zum Wirt

Ja i muass eineeee in alle Vereineee
Da muass i hi, ohne mi geht des nie
Ja i muass eineeee in alle Vereineee
Nur eins duad ma leid i hab sonst für nix Zeit

Egal wo i higäh, s’is sovui zum doa, Und manchmoi da glaab i, i bin ganz alloa
Doch a paar guade Leit helfa oiwei dazua, doch leida gibt’s vo solche Leit gar ned gnua
Drum wennt’s ned recht wisst’s wast’s aufd’Nocht macha soits, a Verein der macht glücklich,a Verein der macht stoiz
Tragt’s Eich glei ei, hab an Antrag dabei, Arbeit macht Freude, wer zoit is dabei

Ja i muass eineeee in alle Vereineee
Da muass i hi, ohne mi geht des nie
Ja i muass eineeee in alle Vereineee
Nur eins duad ma leid i hab sonst für nix Zeit