بكرة ما بعرف شو اللي ناطرني
وإنت شو جاي تقول وتخبرني
إنه البلد مرتاح
بعده القمر ما راح
قاعد ع تل فوق، فوق يضئ ع الحلوين
خلف الضحك وهمومنا المنسية
خلف السهر والليل والغنية
بعده الماضي الحزين بيجرح الحنين
وأصوات عم بتأن خلف وجوه منسيين

مش خايف ع لبنان ع الأرض وع المصير
أنا خايف ع الإنسان ع الخير وع الضمير
مش خايف ع البيوت ع الرمل وع الشطوط
خايف جوات الناس الحلم يموت
مش خايف من الحروب خايف حجر القلوب
يعمر سلم يكتب وطن مقلوب

بعرف أنا بكثر الوجع إتغيرنا
هب الهوا ومثل الورق صيرنا
وبغمرة الأحزان دورنا ع النسيان
نسينا شو أصل الآه حيرنا اللي عم بيصير
بس الألم مرة بيكبرنا
وبنخلق من الرماد لو ما قدرنا
نكبر علي الأحزان نحلم سوا بلبنان
لبنان يا اللي كان
واللي بيوم رح بيصير

مش خايف ع لبنان ع الأرض وع المصير
أنا خايف ع الإنسان ع الخير وع الضمير
مش خايف ع البيوت ع الرمل وع الشطوط
خايف جوات الناس الحلم يموت
مش خايف من الحروب خايف حجر القلوب
يعمر سلم يكتب وطن مقلوب

مش خايف ع لبنان ع الأرض وع المصير
أنا خايف ع الإنسان ع الخير وع الضمير
مش خايف ع البيوت ع الرمل وع الشطوط
خايف جوات الناس الحلم يموت
مش خايف من الحروب خايف حجر القلوب
يعمر سلم يكتب وطن مقلوب