Go eadni daddjá dutnje
ii han sápmelaš maidige máhte
Maid áiggut don
dainna sámevuođain

De ále don imaš son lea guhkká juo eallán
Muitte don geat su leat oahpahan
Muitte don maid son lea vásihan

Go ustit jearrá dus
maid jolget gávttiin vázzit
Ii oktage fitnešii mu ala dien romis gávtti
De ále don imaš son lea guhkká juo eallán
Muitte don geat su leat oahpahan
Muitte don maid son lea vásihan

Ja go oabbá daddjá dutnje
hálá dárogiela
In ádde mon maidige dien fávrrohis sámegielas
De ále don imaš son lea guhkká juo eallán
Muitte don geat su leat oahpahan
Muitte don maid son lea vásihan
Muitte don geat su leat oahpahan
Muitte don maid son lea vásihan