طير وتكسر جناحه
إذا يرضيك تنهي اللي بينّا اليوم
تبيع العشرة وترخص المودّة
واخذني وياك فوق، فوق بچبد الغيوم
طير وتكسر جناحه و تهدّه

وخليني أطيح من السماوات
بلكي لموتت اللي مثلي تفقده
واتمنى بعدها تنام مرتاح
(وضميرك ما يأنبك ع المخدّة (ع المخدّة

عشت وياك عمري كلّه مظلوم
عفيف ولا خلف فد يوم وعده
ما أقول أبد ما اخطيت وياك ؟
لكن) لكن ما خنت للـ حب عهده)

اجيتك طبع عاشگ زافني الشوق
روحه ومهجته ودنياه وسعده
وطرقت ابواب عالم خاطر ارضيك
كبيرة بوجهي بابك من تسدّه

إذا يرضيك دونك رقبتي وهاك
تسل السيف ع الرقبة وتحدّه
(رغم تدريني ما أقدر بلياك ((ما أقدر بلياك
يتيم وسالت دموعه على خدّه

أنا مشتت بدونك واشكي فرقاك
وابشرك قلبي من بعدك تصدّه
وما يخالف رغم كل هذا شراي
تبَدّيني ولا إسمك تِبدّى

وإذا قصة دلال، ادلّل هواي
فديت أمه وصرت قربان جدّه
واتزعَّل مثل ما تريد مسموح
عنود وفصّلت روحي اعلى قدّه

لكن لا تجيبن طاري الفراق
وتعشِّم بشر وتصير ضدّه
وتكبّر بشر وتصير ضدّ