إيه ده يا نهار أبيض، اللي جرى في الناس ده اِسمه إيه
فاضل إيه ثاني لسه ما اتعمل كمان
إيه ده يا نهار أبيض، اللي جرى في الناس ده اِسمه إيه
فاضل إيه ثاني لسه ما اتعمل كمان

أيوة فيه من ده ولا فيه من ده و كمان لسه فيه وفيه
فيه اللي كسبت ده واللي خسرت ده واللي حالفة لده تربيه
فيه اللي حابب بس نفسه وفي اللي نفسه بتعاديه
في مودة ورحمة خلصوا وكله قافش على اللي ليه

مالها قلبت حرب في إيه يتحب مفيش غير التطبيل
اللي خلق الأرض قسمنا لبعض كتب مع بعض نعيش
اللي عايش ليه لوحده تضحي تدي يضحي بيك
ولا ده اللي غروره واخذه تحبه يتكبر عليك

مش سحابة لأ يابا إحنا شطبنا الطيابة
آخره إيه مقسومين
في غتاتة واستماتة واللي بيحب الشماتة
وإحنا إيه معذورين

إيه، اللي جرى في الناس ده اِسمه إيه، إيه
إيه، اللي جرى في الناس ده اِسمه إيه، إيه

بطلت أكش وهلبس وش يأدب الغشيم
وأشل وأعل في أي ملل وأي حويط ولئيم
في الأذى والغش مفيش معلش مفيش ما خلاص آسفين
كله هيترد ودين يتسد ونبقى كده خالصين
لو مش هتخف أنا هنزل حدف أمنت لحد مفيش
الإيد تتمد بخير تتعض يقول لك لا معيش
قلبي عبّى ورد ضربة للي غبّى في الصميم
لأ فوقوا وذوقوا واِنسوا الحنين القديم

مش سحابة لأ يابا إحنا شطبنا الطيابة
آخره إيه مقسومين
في غتاتة واستماتة واللي بيحب الشماتة
وإحنا إيه معذورين

إيه ده يا نهار أبيض، اللي جرى في الناس ده اِسمه إيه
فاضل إيه ثاني لسه ما اتعمل كمان
إيه ده يا نهار أبيض، اللي جرى في الناس ده اِسمه إيه
فاضل إيه ثاني لسه ما اتعمل كمان