Di punt'à lu tepale, u pinu a trimatu
Ghje libecciu chi porta, u so soffiu dannatu
É à natura sana si strappa cumè un stracciu


Una fiara hè nata è stinza lu so bracciu
Una fiara hè nata

Ù mantellu di fume, annegha la furesta
Sta terra di dulciume, mai piu n'un fera festa
E ù ventu scherzzosu chiocca à mezz'à le fronde

Una fiara hè nata è corre fra le sponde
Una fiara hè nata

U muvrone si ferma, è ne musca lu ventu
L'orizonte s'infiara, in pettu a lu spaventu
U prufume di morte si sparghje à lu lampu


Una fiara hè nata in fondu di u campu
Una fiara hè nata

E sti rami stinzati, ch'aspettanu à morte
So tanti bracci tesi, per scunghjurà la sorte
U silenziu nasconde una terra si more


Una fiara hè nata è brusgia lu mio corre
Una fiara hè nata

Duve scurria lesta , l'acqua di à surghjente
U so cantu di festa, annacquendu l'oriente
Ci fermera un scogliu per sempre testimone

Una fiara hè nata à mez'à'ssù carbone
Una fiara hè nata

Una fiara hè nata di pettu à'ssa ruvina
Contrà manu assassina

IMPRIMER LES PAROLES