6. Allas steilas
(Alfons Tuor)
O schei vus claras steilas
el firmament
pertgei viv' ins sin tiara
Moi in mument?
Pertgei sto ins sin tiara
pitir, pitir
Quei cuort mument ch'ins viva
e pi smarschir ?
O dei, vus caras steilas
a mi avis
Vus che la stgira tiara
Schi dultsch sclaris !
Savens, savens jeu stojel
vus contemplar
Tgi lai cun tonta gloria
Vus terlischar ?
O, quel ch'ei vies scaffider
Ha mei scaffiu,
Quel che vies cuors diregia
Ei er miu Diu !
Perquei siu mal emblida
Miu cor suffront
Cu'l ellas spheras vesa
Vus terlischont