5. NIHGEL KI-ITNA

Lia: Zan khat tung solkha hong tang silsial
Huih khi hong lang hiau hiau in dai dam
Len gualte’n lungtuak zaideih awi
Lia nu’ sinlai hong phawng lua e

Tg: Melhoih Zozam lianu vangngaih aw
Va bang hong leng ing e na siang ah
Lunglau lo, lungleng nawn ken aw
Itna zaideih awi khawm ni e ..

Cho: Lungdeih teng libang Cinna ngaih nang na hi
Phualva bang ciam pello sinthu
Singdang in hong lel zong sanmun muang hang e
Phuh bang kho sak ni nihgel ki-itna
Tg: Ngaihno kei ngaih bangin nong ngaih leh
Ngaih anglai lungmuang takin hong khawl aw ..
Lo bang tulpih dingin kong teel
Lungsitlo maciang suankhawm ni ..

Lia: Maw uu., nong it nong ngaih taktak leh
Guallai ka vang zubang na tangin
Nang kan gual ka ngaih zawk dang om kei
Nang bek haibangin hong ngak ing e ..

Engding:
Ngaihno kei ngaih bangin nong ngaih leh
Ngaih anglai lungmuang takin hong khawl aw ..
Maw uu., nong it nong ngaih taktak leh
Gual vanglai ka vang zu bang na tangin)x2