خيوط من نور ماسكينها
بتربطنا ببعضينا
مش احنا اللي عملينها
دي جاية من ماضينا واحنا كملنا

جيه الدور عليكوا
تكملوا أيامكوا بإيديكوا
ماتعيشوش في اللي فات واخلقوا ذكريات تكون لايقة عليكوا
مش هيعدي علينا رمضان
غير لما نزين زي زمان
هنحافظ ع اللي فات ونزود عليه حاجات ونديها لولادنا

خيوط من نور تجمعنا
من كل زمان ومكان خيوط رابطة قلوبنا
بنزين بيها رمضان وتكمل لمتنا

جينا لكوا من اللي فات
في فكركوا في أحلى الذكريات
أحلى حاجة في رمضان زي ما هو في كل زمان دايما بيجمعنا
حضن حد بتحبه
مايتعوضش بصورة قلب بعتُّه
ولا ضحكة في التليفون زي ما تشوفها العيون واحنا مع بعض حاجة ثانية

خيوط من نور تجمعنا
من كل زمان ومكان خيوط رابطة قلوبنا
بنزين بيها رمضان وتكمل لمتنا

خيوط من نور تجمعنا
من كل زمان ومكان خيوط رابطة قلوبنا
بنزين بيها رمضان وتكمل لمتنا