Ecce Rex Darius venit cum principibus
Nobilis nobilibus ejus et curia
Resonat laetitia, adsunt et tripudia
Hic est mirandus, cunctis venerandus
Illi imperia sunt tributaria
Regem honorant omnes et adorant
Illum Babylonia metuit et patria
Cum armato agmine ruens et cum turbine
Sternit cohortes, confregit et fortes
Ilium honestas colit et nobilitas
Hic est Babylonius nobilîs Rex Darius
Illi cum tripudio gaudeat haec contio
Laudet et cum gaudio ejus facta fortia
Tam admirabilia simul omnes gratulemur
Resonent et tympana
Citharistae tangant cordas musicorum organa
Resonent ad ejus praeconia