أنا شاب زيّ كثير في مصر والمستقبل عايز زقة
أنا ولا أبويا وعدني بقصر ولا تحويشتي تجيب شقة
متخرج من فترة كبيرة ودورت في ساقية أكل العيش
كم شغلانة يا دوب تصبيرة لغاية وقت ما يجي الجيش

وأما نويت إني أطلب بنتك لما أدبها ودينها عجبني
جت لك خايف إنك ترفض قولت لي بص هقول لك يا ابني
إنت طلبت أعز ما ليّ شكلك طيب وابن حلال
لكن قبل ما أوافق لازم أخذ منك عهد رجال
مش هطلب منك عربية ولا شبكة ومهر وخلخال
ولا شقة على البحر وفيلا بنتي مكيلهاش بالمال

والليلة جينا بالفرحة وعروسة في أحلى طرحة
نورها يملا المكان ضحكتها فيها أخلاق ودين
مقدرش أوصف أدبها ولّا جمالها في حجابها
آه ملاك لا مش إنسان تعويض يا ناس صبر السنين

عايزك تعرف معنى قرارك من دي الوقتِ هتبقى اثنين
إنسان هيشاركك مشوارك وهتاخذ من عمره سنين
حتى حماتي كمان شيلاني دايما جنبي ثانية بثانية
بكلامها الطيب سنداني كانت فعلا أمي الثانية
أنا ما اخترتش بنت جميلة يعني مجرد لبس وشكل
أنا نقيتها ملاك من الجنة عقل وطيبة وعزوة أهل

والليلة جينا بالفرحة وعروسة في أحلى طرحة
نورها يملا المكان ضحكتها فيها أخلاق ودين
مقدرش أوصف أدبها ولّا جمالها في حجابها
آه ملاك لا مش إنسان تعويض يا ناس صبر السنين
والليلة جينا بالفرحة وعروسة في أحلى طرحة

مقدرش أوصف أدبها ولّا جمالها في حجابها
تعويض يا ناس صبر السنين