Die Heiland is gebore soos eeue reeds voorspel
Daar in die stad van Dawid word Hy Emmanuel
Met blye Hemelkore wil ons ook juig en sing
Ons Heiland is gebore dis Hy wat redding bring

Die Lig kom na die wêreld in Jesus Christus Heer
Uit liefde vir die mensdom daal Hy as dienskneg neer
So lief het God die wêreld Hy gee vir ons Sy Seun
So word Hy ons Verlosser ons Middelaar en Steun

Wie glo in Jesus Christus word nou Sy eiendom
Hy gee die reg tot kinskap aan dié wat glo in Hom
Juis daarom juig ons harte op hierdie Kersfees tyd
Ons Heiland is gebore vertel dit wêreldwyd