Mont ha dont a ran kas-digas
El lann didro g'an avel-sklas

Mont ha dont a ran ma-unan
El lann didud 'vel un tasman'

Ma huñvreoù holl a zo aet
'Vel m'o deus graet ar gwennilied

Distreiñ 'raio ar gwennilied
Ma huñvreoù ne raint ket

Ha me deu't un anaon kollet
O kestal petra ? N'ouzon ket

Ha d'en em goll korf hag ene
E-kreiz ar vrumenn don, pell-tre

Hini ur vro 'oa ma hini
Ha 'chom netra ken diouti

Ha 'chom netra ken diouti
Nemet kalonad ha dispi