Det Syng
A veit du den Draum og veit du den Song,
so vil du Tonarne göyma
og gilja det for deg so mang ein Gong,
rett aldri so kan du det glöyma.
Hildrande du! med meg skal du bu,
i Blåhaugen skal du din Sylvrokk snu.

Du skal ikkje fæla den mjuke Nott,
då Draumen slær ut sine Vengjer
i linnare Ljos en Dagen hev att,
og Tonar på mjukare Strengjer.
Det voggar um Li, det svævest av Strid,
og Dagen ei kjenner den Sæle Tid.

Du skal ikkje ræddas den Elskhug vill,
som syndar og græt og glöymer
hans Famn er heit og hans Hug er mild
og Bjönnen arge han töymer.
Hildrande du! med meg skal du bu,
i Blåhaugen skal du din Sylvrokk snu.