Ik bun gin os ik bun gin barg en ik bun ok gin ruun
Kom ij mij te nao dan git 't gat veur 'n tuun
Laot ij mij gaon dan kom ik altied weer
Dan kom ik as 'n bolle jao as 'n poggenbeer

Ik bun gin doeve gin havik en ne kiefte bun ik neet
Maor ik kan vlegen in dreume wee'j neet zeet
In mien gedachten daor bun ik altied vrij
Ne vleger an de lien nae dat is niks veur mij

Hee hee hee laot mij gaon
Ik kan op mien eigen bene staon
Hee hee hee laot mij in vrae
Der is meer plaatse in mien eigen beddestae

Ik bun gin gulden gin kwartjen en ok gin stuver weerd
Mijzelf verkopen nae dat heb ik nooit eleerd
Zeuk ij een scholder dan bu'j bij mien verkeerd
Ik bun gin prins en kroppel is mien peerd

Ik zaej gin diesels gin kwekken en gin fransozenkroed
Bij mien in 't hofken steet 't altied vol met roet
Daorin gaon wieden dat is toch tied verdaon
Wat hier wil greujen mag hier altied blieven staon