Op den wal langs den Iessel zit een deerntjen alleen
Drech 't heuf in de hande vundt de welt heel gemeen
In 't oge blinkt de treune hel as steerne bij nach
Uut 't felrode mundjen klunk snoksend een klacht

Ach hoo zwaor velt 't laeven van zo'n oorlek jong wicht
Va en moo bunt escheiden beide breurs in 't gesticht
Want dee wollen neet deugen wazzen voos foel en frech
Now zit zee daor allene 't thuuskommen is weg

Dropken veur drop gaot de treuntjes haronder
Dropken veur drop nump den Iessel ze met
Streume van verdreet loopt der weg in 't water
Zeeen vol elend waor gin mense van wet

Opa en oma bunt beide helemaols an 't bier
Tante Thea zit dages in 't Spiekerkwartier
Ome Anton dei staelen kreeg veur dree wekke straf
En de buurvrouw lop de bingo's van den Achterhook af

Eurn Bello 't kleine hundjen waor zee zovol um gaf
Hef de postbode ebetten en now maakt zee em af
't Allerleste stuksken warmte is zee now ok kwiet
A'j mij vraogt naor 't laeven no dan zeg ik 't is driet