Gaodgaon Jan ik gao verdan ik mot no gaone
Want mien Dientjen hef op 't vuur de potte staone
Lol maor an besten Jan ik moet vertrekken
Ik mot op huus an ik mot helpen taofel dekken

In de kokken steet ze wisse al te wachten
't Water lop mien in de mond bij dee gedachte
A'k heur zee stao'k gelieks in vuur en vlammen
Gaodgaon Jan ij hooft no neet meer deur te drammen

Balkenbrij moos met wors brood met schraoven
En der steet nog zoerkool achter in den aoven
Karnemelksause met wat siepels en een harse
Bij mien Dientjen bun ik altied good te passe

Jao mien Dientjen dut zo heerlek lekker kokken
Um 't vuur van mien leefde op te stokken
Zonder eur zol ik niks konnen beginnen
Narges anders kan'k een better kosthuus vinnen