Wenn mer morje kei Bier mih kritt
Weil et kei Wasser jitt
Wenn et morje kei Fleisch mih met Ääpele jöv
Dat wör e Verhängnis, wör wie em Jefängnis
D'r Anfang vum Äng
Doch met uns lauf dät nit

Denn mir Kölsche
Mir klääve wie d'r Düvel am Lääve
Uns Kölsche nimmp keiner - ejal wat och weed
Dä Spaß für ze laache, dä Bock jet ze maache
Mir klääve am Lääve, uns kritt keiner klein

Wenn ihr meint, dat dä janzen Dreck
Platz do am Himmel hätt'
Wenn ihr meint, unsre Bösch
Wör noch kräftich jenoch
Dann dot noch jet schwade
E paar Jöhrcher wade
Dat mät nix, ihr schafft et
Nur uns schafft ihr nie

Denn mir Kölsche
Mir klääve wie d'r Düvel am Lääve
Uns Kölsche nimmp keiner - ejal wat och weed
Dä Spaß für ze laache, dä Bock jet ze maache
Mir klääve am Lääve, uns kritt keiner klein

Un wenn ihr meint, dat et sech'rer weed
Wemmer jet rüsten deit
Wenn ihr meint, wä am lauteste schreit
Wör em Räch, dann haut üch de Köpp en
Domet mer üch loss sin
Denn ohne üch kumme mer vill besser zeräch

Denn mir Kölsche
Mir klääve wie d'r Düvel am Lääve
Uns Kölsche nimmp keiner - ejal wat och weed
Dä Spaß für ze laache, dä Bock jet ze maache
Mir klääve am Lääve, uns kritt keiner klein

Un wenn irjendwer sät
Für uns Äd wör et längs ze spät
Un wenn irjendwer meint, et wör alles am Äng
Dann dot üch verschanze
Doch gläuvt uns, mer pflanze
Noch hück e jung Bäumche met Woozele en