Vox dicentis, clama
Quid clamabo?
Omnis caro foenum,
et omnis gloria eius quasi flos agri.
Vere foenum est populus.
Exsiccatum est foenum,
et cecidit flos.
Verbum autem Domini manet in aeternum.
Super montem excelsum ascende tu,
qui evangelizas Sion.
Exalta vocem tuam in fortitudine,
noli timere. Dic civitatibus Judae,
ecce Deus vester:
ecce Dominus Deus in fortitudine veniet,
et brachium eius dominabitur:
ecce merces eius cum eo,
et opus illius coram illo.
Opus illius, merces eius cum eo.
Sicut pastor gregem suum pascet,
in brachio suo congregabit agnos,
et in sinu suo levabit,
foetas ipse portabit.