GABOS NA PAGKAMUOT SA KINA'BAN MAKULOG
Gabos na pagkamuot sa kina'ban makulog, magtubod.
Ata gabos na pagkamuot sa kina'ban makulog, nakakaludog.
Namuot ka sa saro,
pandok mo dai niya masaho, garo unglo.
Sinusog mo siya, itinao mo an gabos.
Inuripon ka sana, pirak mo inubos.
Ata gabos, na pagkamuot sa kina'ban makulog, magdangog.
Gabos na pagkamuot sa kina'ban makulog, nakakaludog.
Nagtuparan kamo, sarong dai mo piglalaoman
sa paradahan.
Sasaguton ka na daa, ito palan bados na,
kun muya mo daang maging ama kan ugbo niya.
Ata gabos, na pagkamuot sa kina'ban makulog, nakakaludog.
Gabos na pagkamuot sa kina'ban makulog, magtubod.
Namuot ka sa saro, pagkamuot mo saiyang inako, garo pinagtagbo.
Padaba mo siya, mas padaba ka niya.
Kaya kan mawara siya, diit ka pang mabua.
Ata gabos, na pagkamuot sa kina'ban makulog, nakakaludog.
Gabos na pagkamuot sa kina'ban makulog, magdangog.
Inatang mo na sana kuta sa nagkakanigo an saimong puso.
Sa Diyos, an pagkamuot na nagkakanigo, nakakapano.
Ata sa Diyos, sana, an pagkamuot na nagkakanigo, nakakapano
sa saimong puso.
Ngana pa kan pagkamuot mo saimo, an pagkamuot Niya saimo.
Kaipuhan mo sana sambiton an pangaran Niya insigida sa daghan an kaogmahan yaon na.
Haribol Nitai-Gaur Nitai-Gaur Haribol.