بنتمنى نعيش لما نبيع الوحدة لو ببلاش
ساعات نتمنى مية حاجة و ناخد حاجة منعوزهاش
بنتألم عشان ننسى، عشان بكرة مبيسعناش
و بنعافر مع الماضي و نتعلق بحلم مجاش
أنا و الليل بنشبه بعض في الأحزان
يا ليل طوٌل يسيع حضنك براح سكان
غريبة إن إنت مش فارقة، غريبة يا قلبي متحمل
مفيش حاجة بقت فارقة، لا يمكن تاني هنكمل
و أهو اللي باقي حبة وجع حبة جروح حبة فزع
و أديك و ساكت و متحمل حلاوة روح و أهو كان جدع

بيعند في القسى و يقسى، و يكسر قلبه بالنسيان
بيكدب لما قال هنسى في نور الشمس كان بردان
مسافر في الطريق وحدك معدتش طفل زي زمان
مرافق في الطريق همك، فراق لما بدون عنوان
جواب كانت سطوره عذاب بيتلخص في أول سطر
وحشني وجودكوا زي زمان رجوع لبيتنا ساعة العصر
في حضنك منتهى اللهفة، و ليل قمر و نجوم زفاه
و لو لف المدار لفة في روحك شئ من العفة
أنا ندمان على فراقك
أنا درويش و في مقامك
لا عمري تعبت من التفقير
غريبة إن إنت لسه بعيد
غريبة إن إنت في المسافات
كلك شغف و ذكرى لناس
لا كانوا من اللي هيمينك، ولا كانوا في يوم حساد

يا ليل