على مثلّـِك أصافـِح وقتـي و آهـنـّيـه
واهنـّي خافقي ..ولاّ إنتَ من مثلك؟!
عجزت أوصِف سما قَدرِك..عجزت أوفيه
وش أبعاد السما !؟ قِلّي وانا أُوصِف لك

هـلا بِـك يا نِـسَـم روحي و يـا لـبـّيـه
في قلبٍ مَ إعترَف بالحب من قبـلِك
وش الحيلة في قلب امحبّتِك تمليه
في شخصٍ من غلاتك صار يشبه لِك
———
تفاصيلك إهي ضعفي..لا تـسأل لـيـه
حنانك ضحكِتِك هيْبَتْك وطيب اصلِك
وصوتك كوكبي الوهّاج وحِسِـّك فيـه
إذا سـُولـَفَـْت يـاخذنـي وأسافر لِـك

وانا يـا سيّـد إحساسـي ويـا غالـيـه
فؤادي خيل ما ساسه سوى وصلِك
يحبك حب يشِبّ الحاسد وْ يطفيه
إليـن يـْرمّد وْ جِـعـْله فِـدى ظِـلّـك
———
هـوانـا ما تـهـزّه ريـح و للتـشبـيـه
هوانا (يا جبـَل ويش اللي يقدرلك)
وْغـرامك يا خليفة قلبـي وْ والـيـه
وطن وإحساسي به شعبٍ فِدى كلّك

يا إسم ٍ من غلاه إن مَـرّني طاريـه
يـراودني سـؤال ٍ ودّه يـوصل لِـك
أبي مثلِك وش اللي ينهِدى وأهديه؟؟
إذا إنـتـه يالغلا ما فيه أحد مثلّك