हं आ आ आ आ आ आ
सुन्या-सुन्या मैफिलीत माझ्या
सुन्या-सुन्या मैफिलीत माझ्या तुझेच मी गीत गात आहे
अजुन ही वाटते मला की अजुन ही चांद रात आहे
सुन्या-सुन्या मैफिलीत माझ्या

कळे ना मी पाहते कुणाला कळे ना हा चेहरा कुणाचा
कळे ना मी पाहते कुणाला कळे ना हा चेहरा कुणाचा
पुन्हा-पुन्हा भास होत आहे तुझे हसू आरशात आहे
सुन्या-सुन्या मैफिलीत माझ्या

सख्या तुला भेटतील माझे तुझ्या घरी सूर ओळखीचे
सख्या तुला भेटतील माझे तुझ्या घरी सूर ओळखीचे
उभा तुझ्या अंगणी स्वरांचा अबोल हा पारिजात आहे
सुन्या-सुन्या मैफिलीत माझ्या

उगीच स्वप्नांत सावल्यांची कशास केलीस आर्जवे तू?
उगीच स्वप्नांत सावल्यांची कशास केलीस आर्जवे तू?
दिलेस का प्रेम तू कुणाला तुझ्याच जे अंतरात आहे?
सुन्या-सुन्या मैफिलीत माझ्या तुझेच मी गीत गात आहे
अजुन ही वाटते मला की अजुन ही चांद रात आहे
सुन्या-सुन्या मैफिलीत माझ्या