حولنا مجرى النيل ياسلام على ده تحويل

حيكون تحويل لحياتنا مش بس لنهر النيل

مين كان بيصدق مين النهر الجاري سنين

يتحسبوا بالملايين نحود له طريقه يمين

وشمال زي ما عايزين ونعدل فيه تعديل

احنا ارادة وعمال وعزيمه بتمحي جبال

ونقيم غيرهم أعمال ونبني في كل مجال

والسد ما عادش خيال ده حقيقة ومالها مثيل

انا شايفه وكلي سرور مستقبل بيفيض نور

ومصانع فيه بتدور وخضار ع الارض البور

ونعيم للناس موفور وطريق للعز جميل

تمت مرحلة عقبال ما نحقق كل مجال

ونقدم للأجيال أروع واتم مثال

بإرادة الحر جمال وإرادة شعب أصيل