ليه عزيز دمعي تذله كل ساعة بين يديك
بعد صبر العمر كله وانشغال قلبي عليك
مش حرام والله حرام

شوف دلالك زي كيفك دي الحلاوة في الدلال
بس خلّي العين تشوفك يوم وتفرح بالجمال
ليه تكايدني وطيفك حرَّم الجفن المنام
مش حرام والله حرام

أعمل ايه والحب ساكن مهجتي والوجد زاد
والقوام عـادل ، ولكن حكمه قاسي ع الفؤاد
كل ده والقلب صابر وانت هاجر يا سلام
مش حرام والله حرام

الغـرام آمـر ونـاهي حتى في أحلام شبابي
حلم يفرِحْني خيالك فيه وحلم يزيد عذابي
وانت ساهي عني لاهي حـتى مـا يتبْعت سـلام
مش حرام والله حرام