ح أسيبك للزمن

ح اسيبك للزمن لا عتاب ولا شجن
تقاسي م الندم وتعرف الألم
اشكي مش ح اسأل عليك تبكى مش ح ارحم عنيك
ياللى ما رحمتش عينيا لما كان قلبى فى ايديك
دارت الأيام عليك

الزمن ح يدوقك فى البعد نارى الزمن هو اللي ح يخلص لى تاري
كل هجر وكل ليل سهرتهولى كل غدر وكل جرح تركتهولي
كله ح ترده الليالي
الليالى عليك بدالى والزمن
اشكي مش ح اسأل عليك تبكى مش ح ارحم عنيك
ياللى ما رحمتش عينيا لما كان قلبى فى ايديك
دارت الأيام عليك

يوم من الأيام ح تحتاج عطف قلبي يوم من الأيام حتتلهف لقربي
وانت مش ح تلاقى ابدا زى حبي
الندم بعدي حيفضل جوه قلبك يألمك أكتر ما عيش العمر اعاتبك
بكره تتماني أحاسبك
أو ألومك أو اعاتبك
مش ح حاسبك مش ح أعاتبك
لأ دنا كفاية إنى سيبتك للزمن
اشكي مش ح اسأل عليك تبكى مش ح ارحم عنيك
ياللى ما رحمتش عينيا لما كان قلبى فى ايديك
دارت الأيام عليك

رايحه اسيبك للي ما يرحم ولا تقدر عليه
مش ح اقولك انت عارف الزمن راح يعمل ايه
للزمن دايما حالات ياما بيغير حاجات
كل ما بيدور بيبدل مطرح الضحك الآهات
اشكي مش ح اسأل عليك تبكى مش ح ارحم عنيك
ياللى ما رحمتش عينيا لما كان قلبى فى ايديك
دارت الأيام عليك