(Ref.)
Ce sont varletz de vire, varletz
Ce sont varletz de vire !

1.
Et qui sont ces gentilz gallans
Qui viennent voir m'amye
Sont-ilz venus de si hault lieu
Leur oseroit-on dire ?
(Ref.)

2.
""Et qui vous passera le boys
Dictez, ma doulce amye""
""Nous le passeron cette foys
Sans point de villennye""
(Ref.)

3.
Quand elle fust au boys si beau
D'aymer il l'a requise
Je suis la fille d'ung meseau
De cella vous advise
(Ref.)

4.
""De Dieu soit mauldict le merdier
Qui la fille a nourrie
Quant il ne la mect a mestier
Ou qu'il ne la marrie
(Ref.)

5.
Ou ne la faict en lieu bouter
Qu'homme n'en ait envie.""
Quand elle fust dehors du boys
Elle ce print a soubz rire
(Ref.)

6.
Belle qui menez tel degoys
Dictez moy, qu'esse a dire
El respondit a basse voix
""L'on doibt couart mauldire
(Ref.)

7.
Je suis la fille d'ung borgeoys
Le plus grant de la ville""
Fame je ne croyray d'ung moys
Tant soit belle ou habille
(Ref.)