Na nha terra inda n’tem sperança
Di vivi um dia
N’ca pudi n’guenta é lundjussi
Que n’lundjussi di bó
Ai Guiné
Guiné nha terra

Pa mas diritu que n’sintau
Na strangeru suma na bó
E ca djunto dé
E ca djunto n’sibi mé e ca djunto
Pa mas sabi que n’stau na terra di guintis
Suma na bó e ca djunto
N’ disdja bu carinho
N’ disdja bu amor
Sedi di iagu di pindjiguiti
Que n’tene
Ami n’misti sinta na bó Guiné
Pa n’pudi barssau
Bissau pa mata sodadi

Fidjus di Guiné
Abós que sinta na terra
Cu distinu dês povo na mon
Bo para djunda djunda
Bo lanta bo tarbadja
Pa ca nhu estin nali bós
Si nali bós bó na nháni
Tarbadju di cumpu terra e garandi
Iaió bó pega téssu
Bó lanta bo tarbadja
Pa ca nalidura di estin pega bos

Que man na punta
Na punta bos hó
Pabia di que
Que dicintindimenti tem na terra

Pabia di que
Que no ca pudi cumpu no terra
Pabia di que
Que dicintindimenti tem na fidjus
Di quil um mama
Ai Guiné no foronta

Cada dia cu passa
Nha sufrimentu e garandi
Ali nha terra na lundjussi
Guiné pa sintido n’ ganan
E na lundjussi di mi
Nhá terra
Ca bu lundjussi di mi

Qué nha ermons hó
Nó djunta ná falas
Pa nó pidi deus pa Guiné
Pa é para djá hó
Pa é para dana Guiné
Pa é para djá hó

Nha terra
Ca bu lundjussi di mi
N’ misti barsau
Pa n’teneu perto di mi
Um dia na riba la
Pa n’sinta na bó
Guiné di mi
Guiné di nóss
Bó para djá