Kamino feyo de la muerte
Por debasho nieve preta
Pedaso de karvon kemado
El sol ariva en el sielo
Ni arvoles ni pasharikos
Ni flores ni yervizikas

Rika Kuriel novia de sangre
Delgadika, delgadika
Su korason gondja korolada
Berbil siego en su garganta
Kanta su korason i alma
Sin boz i sin palavras
Asta la fin esta kantando

Rika Kuriel, flor de sangre
Tu novio ya afogado
A la puerta de Ganeden
Ayi te esta asperando