'T gebeurd neet duk 't gebeurd bijna noeit
Mar vannacht is 't gebeurd vannacht bin ik opgestoan
Als in enne droem zaag ik meej van de trap afgoan
'T waas perfect de koffie kloar de taffel gedekt
En de zon die scheen

De baas brocht meej bloome en zei blief mar thoes ge dud meej
Gen grutter plezeer pak de rest van de weak mar vreej
En ik genoot zelfs miene baas vong 't good
En de zon die scheen

De fiets op en fluite de wind haj ik op de rug
De minse die lachte nar meej en ik lachte terug
En ik genoot zelfs mien hoar zaate good
En de zon die scheen

En onderweg kwaam ik ow teage
Ik woord van puur geluk verleage

'T leave haj 't good veur met meej
Alles zaat mei wat ik ok deej
Met zo'n geveul dat ge nog van vroeger kent
Allang vergeate neet gewend

Zo'n bliej geveul wat mar door blieft goan
Zo'n geveul van dit geveul dat deurd te lang
Te veul roezegeur en moaneschien
Vul te moei um woar te zien

Oh want toen ik vanmerge wakker woord
Oaver mien onderboks veel
En ik de speegel keek
Drong 't langzaam tot meej door
Alles wat ik haj gezeen dat waas neet woar
Ik haj gedroemd de ganse nacht
En ien ding stong wir vast vur meej

'S Nachts is 't moeier als oaverdaag
En al hielemoal met ow d'r beej