Barcelona ‘t station
Drukke minse corazon
Ik woj ligge in de branding

Ik keek ni oet en ik veel
Dat ik doar niks an oaver heel
Kwaam dor ‘n hiele zachte landing

Vur ‘n moment ging ik umhoeg
En toen kwaam ik oeg in oeg
Met ‘n harde spaanse vloor
Ik vulde niks ik rolde door

Als enne bal di half slap
Langzaam stuitert van de trap
Leaggeloepe half vol
Eindigt teage enne poal

Niks gebroake niks gescheurd
‘t Waas meej al zo duk gebeurd
‘t Waas eigenlijk wal lekker

De alde stroat die vulde werm
Ving meej op met oape erm
En toen inens als enne wekkerr

‘r Zwarte hoar ‘t goud dat blonk
En ‘r stem zoeals ze klonk
En ‘r oege toen ze zei
Ik leas ow toekomst kom mar mei

Doar zate weej teageoaver elkaar
Enne glaze bol in ‘t midde
Ze makte nog ierst ’n exotisch gebaar
Toen vroog ik an eur wat zidde

En ze zei ik zij ik zij
Geej begint altied opnij
Vechte valle en opstoan

Ik knikte en ik keek ‘r aan
‘t Begint altied van veur af aan
Vechte valle en opstoan

Hand an de ploog ik kreeg wat ik vroog
De rug recht de schouders d’r onder
Ni zeure begin ‘t het genne zin
Ge wacht tevergeafs op ‘n wonder

D’r kwaam muziek dor de stroate
De zon dor ‘t glaas in loed
We bleve same nog wat proate
En toen ware weej d’r oet

Ik laag op de spaanse grond
En de cirkel di waas rond
We woste zeker ‘t bestiet
Dat ‘t verder giet

Altied wat ge ok dut blief ‘t vertrouwe beware vergeate
Verloate bedroage of blut noeit mier d’n hoap loate vare
Hand an de ploog ik kreeg wat ik vroog
De rug recht de schouders d’r onder
Ni zeure begin ‘t het genne zin
Ge wacht tevergeafs op ‘n wonder