Horst ik kan 't toch neet loate
Um een hartig wurdje met ow te proate
Wat ge de leste zomer het gedoan
Dat begint toch wal alles te sloan
Deure promenades met een schaakspel bijien
Tussen bloombek en winkels jage ze ow has van de bien
In America in een straot wuurd al twieje joar gewacht
Wannier doar eindelijk bestraoting wuurd gelagd
'T fraaiste keumt nog 't is neet geloage
Ze durve os ondernemers nog 100 piek te vroage
Vur enne champignon beej 't Horster gementehoes
Woarvur doar geave ze os toch noeit thoes
'T Gasthoes de Zopo en De Vlies
Die valle met os dollars good in de pries
Met America steune is Horst neet zo vlug
Wat zeen weej van die poen terug
Niks stront niks en nog 'n bitje minder
Doar zakt meej de boks van af
Horst krieg 't best en weej de rest
Ge mocht dan met 't hart van Horst bezig zien
'T hart van America sluut oaver 't deut oaveral pien
De appels die geej vret en woar geej van smult
Die zien beej os geschuumd dat zegge weej onverhuld
De kroeze were met vrachtwagens teruggebrocht
Op de Zuuringspiel were weej hiel good bedocht
Zelfs dor 't ganse gewest
En wat kriege weej vur de rest
Niks stront niks en nog 'n bitje minder
Doar zakt meej de boks van af
Horst krieg 't best en weej de rest
Mar neet getreurd straks is 't gebeurd
Dan velt heer niks mier te hale
Dan begint America vur zichzellf
En dan mog Horst 't zelf betale baale
America kan good op eige bien stoan
Dan is dat geschuum heer gedoan
As Horst zoe an de geng mot blieve
Mot America wal enne teagezin kriege
Enne burgemeister is heer good te versiere
Di kan 't geld van de stort en 't toerisme behiere
Zitte in Horst dan in geldprobleme
Mogde gerust de weg nar America neme
Ge kriegt van os
Niks stront niks en nog 'n bitje minder
Doar zakt meej de boks van af
Horst krieg 't best en weej de rest