In deze kroeg net boete de stad
Als ik heer nog langer blief
Mis ik de trein mar wie deud meej wat

Want de treine die rijje nog wal dukker vandaag
Ik zit heer zo tevrijje ik veul de tied din vertraagd

Als enne koning op mienne troen
De krakende plenk alles als toen
Ik smelt alles um nar hoe 't oeit waas
'T zand dat wuud glaas

Alles is nog verloate en iederien droemt
'N paar minse die proate
'T verlange dat stroemt
Ik veul de vrede van mien jeugd
Zo lang op dit moment verheugd
De koffie en de krant mien vaderland

Oeit zaag ik de werlt vanachter dit raam
Vroog ik meej af woar alles bleef
Zaat ik te wachte op wat d'r kwaam

Mar vandaag is 't anders d'r is niks wat ik mis
Want d'r is iets veranderd dit is wat het is

Dichter als oeit bin ik bij mien doel
Mar zonder de zurg de hiele boel
Ik zet mien gedachte vandaag effe stil
Dit is wat ik wil

Alles is nog verloate en iederien droemt
'N paar minse die proate
'T verlange dat stroemt
Ik veul de vrede van mien jeugd
Zo lang op dit moment verheugd
De koffie en de krant mien vaderland

En ik loep gelouterd de weg nar 't station
Op enne middag in mei toen dit liedje begon