Als de winter is verdwene en 't ierste zonlicht het geschene
Als 't langzaam lente wuurd dan wil kieke in de buurt
Dan wil ik nar boete toe allien mar um te kieke hoe
De plante golve op 't land als op 't allermoeiste strand
Dan wil ik 't veurjoar zeen dan wil ik nar Helenaveen
Oaver de brug langs 't kanaal terug nar 'n bekend verhaal

Hoe duk ik heer al bin gevare slechte weg woelige bare
D'n auto stiet half in d'n berm de visser vist met iene erm
De Peel nog in 't liege licht de kerk van Jules die is nog dicht
Tot straks als heer de zon wir knettert als 't witte koper schettert
Als de tent wuurd opgebouwd en vur 't altaar wuurd getrouwd
Als minse van 't leave drinke fanfares kilomeaters klinke

Oh ik halt van de seizoene hoe in de herfst altied miljoene
Bledjes valle op 't grind de zomerse lakes in de wind
Als ik 's merges de gordiene oape zij dat toen ik lag te sloape
De ganse werld is witgekleurd en dat is allemoal vannacht gebeurd
Oet d'n hemel neergevleid opgestapeld neet verweid
Dan wil ik met niemand ruule allien met ow heer binne schuule

Heer um meej hin heer is 't leave d'n tied di vluugt wat kan 't geave
Wat d'r blieft heer op de aarde alles wat ik heer bewaarde
Want gaj ik doed dan gaj ik doed dan drief ik langzaam in d'n boet
Op 't water met de stroem terug nar enne nije droem
Want ik wiet zeker ik koom terug ik wiet neet hoelang ik weet neet hoe hoe vlug
Want ik wiet niks ik denk allien 'd'n hemel kan ni moeier zien'