Met blaar vol drank loepe de obers
Achter elkaar an os vurbeej
Schale met eate blieve kome
Ik duj of ik 't allemoal neet zij
'T fiest heer achter in de tuin
De buhne in 'n kleine tent
Weej ligge allemoal in puin
Weej valle in als brullofsband
Niks um os op te verheuge
'T is lat en iederien is muuj
Alles teage heug en meug en
Allemoal neet in de beste buuj
In ienne oajemzucht
Wuurd 't verhaal verteld
Als de liefde oet de lucht
Recht umlieg nar onder velt
Als in 'n lentelied
Tel vandaag allien de zonneoore
Allien mar vreugde gen verdriet
Dan wuurd vandaag de werlt opnij geboare
Familie vriende en bekende
Langs elkaar heer op de stoep
Kalde schottel op 't end en
De onvermijdelijke leavesloep
En inens dan stiet ze doar
Midde d'r tussein
Urre blik de blome in 't hoar
Ze dreid zich um doar giet ze hin
In ienne oajemzucht
Wuurd 't verhaal verteld
Als de liefde oet de lucht
Recht umlieg nar onder velt
Ze danst de hande los op de heup
Ze leupt zoeals allien 'n bruid dat deud
In 't wit op bloete veut
Klinkt als 'n lentelied
Tel vandaag allien de zonneoore
Allien mar vreugde gen verdriet
Dan wuurd vandaag de werlt opnij geboare