على بالي لو عدت علينا سنين
يا واحشني طولت في غيابك فين
الدنيا من بعدك هعيشها لمين
ما الناس شايفين بقى حالي أنا إيه

على عيني عمر وعدى وإنت بعيد
وأنا لسه بحكي في حكايتنا وأعيد
وحياتي مش لاقي لها أي جديد
طب وإنت بعيد قول لي أعمل إيه

ليالي حبيبي أنا مش بنساك
ومكمل حياتي وأنا قلبي معاك
بطمن عليك طول ما إنت بعيد وبصبر في قلبي وبستناك

بقى هان على قلبك اللي بينا وراح
خذت الحنين ومشيت سايب لي جراح
مين اللي عايش في الفراق مرتاح
أنا ليل وصباح مستني ألاقيك
لا عتاب يرجّع لي اللي راح ولا لوم
من يوم فراقنا وظهري بقى مقسوم
وأديني بحسب في السنين باليوم وبنام وبقوم فاكر لياليك

ليالي حبيبي أنا مش بنساك
ومكمل حياتي وأنا قلبي معاك
بطمن عليك طول ما إنت بعيد وبصبر في قلبي وبستناك

ليالي حبيبي أنا مش بنساك
ومكمل حياتي وأنا قلبي معاك
بطمن عليك طول ما إنت بعيد وبصبر في قلبي وبستناك