TEMPUS Transit gelidum
mundus renovatur
verque redit floridum forma rebus datur avis modulatur
modulans letatur
lucidior et lenior aer iam serenatur
iam florea iam frondea silva comis
densatur
Ludunt super gramina virgines decore
quarum nova carmina
dulci sonant ore
annuunt favore
voluchres canore favent et odore
tellus picta flore
cor igitur et scingitur et tangitur amore
virginibus et avibus strepentibus sonore
Tendit modo recia
puer pharetratus
qui deorum cúria
prebet famulatus
cuius dominatus
nimium est latus
per hunc triunphatus
sum et sauciatus
pugnaveram et fueram inprimis
reluctatus
et iterum per peuerum sum Veneri
prostratus
Unam huius vulnere
saucius amavi
quam sub firmo federe
michi copulavi
fidem conuiravi
fidem violavi
rei tam suavi
totum me dicavi
quam dulcia sunt basi puelle iam gustavi
nec cinamum nec balsamum esset
tam dulce favi