FAS ET Nefas ambulant passu fere
pari
prodigus non redimit vitium avari
virtus temperantia quadam singulari
debet médium
ad utrumque vitium
caute contemplari
Si legisse memoras ethican catonis
in qua scriptum legitur ambula cum
bonis
cum ad dandi gloriam animus
disponis
inter cetera
hoc primum considera
quis sit dignus donis
Dare non ut convenit non est a virtute
bonum est secundum quid et non
absolute
digne dare poteris et mereri tute
famam muneris
si me prius noveris
intus et in cute
Vultu licet hylari verbo licet blando sis equalis omnibus unum tamen
mando
si vis recte gloriam promereri dando
primum videas
granum inter paleas
cui des et quando